Imeq mingutsinneqarsimasoq aniatinniarpaat
Nukiliorfimmik aqutsisup Tepcop ullumi nalunaarutigaa imeq qinngulanernik radioaktiviusunik mingutsinneqangaatsiarsimasoq inissaqartinniarlugu, imeq mingutsinneqarsimannginnerusoq Manerassuarmut aniatittariaqarlugu.
Tepcop oqaaseqartartuata nalunaarutigaa piareersaatit naammassineqariarpata imeq mingutsinneqarsimasoq aniatittariaqassallugu.
Japanimi naalakkersuisut oqaaseqartartuata Yukio Edanop pisoq TV-kkut aallakaatitakkut uppernarsarpaa:
- Isumannaallisaaniarneq pillugu imeq mingutsinneqarsimasoq aniatittariaqassavarput, Edano oqarpoq.
Japanimi marsip ulluisa aqqarnanni nuna sajorujussuarmat, kingornalu tassaarsuaqarmat, atomimik nukiliorfik Fukushimamiittoq ajoqusingaatsiarpoq.