Imeq 1000 milliarder liter Nuup kangerluani supivoq
Tamanna pivoq Nuup Kangerluani Narsap Sermiani iigartartumi. Imeq 1000 milliarder liiteri sinneqartoq sermimit aattoq iigartartoq ataallugu Nuup kangerluanut supivoq. Suluppaagarpassuit kangerluup naqqani iigartartup eqqaaniitut, supinerup naqitsineranit tupatsinneqarlutik, immap qaavanut qaffatsinneqarnermik kingorna toqorarput, pinngortitaleriffik nittartakkamini taamatut allaserisaqarpoq.
Erngup milliarder liter sinneqartup supinerata kingorna, aavariartunit Nuummeersunit aammalu Pinngortitaleriffimmi Asilerisunilu ililsimatuunit assilineqarpoq filmiliarineqarlunilu.
Qulimiguulik atorlugu takuniaanerup paasinarsisippaa tatsit Narsap sermianiittut annertuumik allannguuteqarsimasut, erngup annertoorujussuup supinerata kingorna. Tatsit 60 aamma 130 meterit akornanni itissuseqarsimapput, imerlu tatsiniittoq 18000 milliard literit missaaniissangatinneqarpoq.
Ilisimatuut Pinngortitaleriffimi taamatullu Asiami sulisut Nuup Kangerluani sermit iigartartut qanimut malinnaaffigaat, iigartartut aakkiartornerminni kangerlummi immap sarfartarneranut sunniutai, taamatullu immami uumasunut, aalisakkanut timmissanut qalerualinnullu sunniutai pillugit paasissutissanik katersuisoqarluni Pinngortitaleriffiup nittartagaani taamatut allaaserisaqarput