Imartat arfanniarfissat kommunit aalajangersinnaavaat
Arfernik takusassarsiortitsinerup takornariartitsinermi nutaamik neqeroorutaasup arfanniarnermut sunniuteqannginnissaa kommunit namminneq aalajangissavaat. Taama erseqqissaavoq piniarnermut naalakkersuisoq Ane Hansen.
- Pisariaqartitsineq malillugu malitatrisassiorsinnaaneq ammaapparput.
Ilisimatusartup Lars Wittingip arfernik takusassarsiortitsinerup arfanniarnerullu immikkoortinneqarnissaat siunnersuutigaa, taamaalillutik inuussutissarsiutit marluusut taakkua immikkut ingerlanneqarlutik.
- Kalaallit Nunaanni kissaatigineqarpat, arferit nerisarineqassasut aammalu arfernik takornariartitsineq aningaasarsiutigineqasasoq, immaqa isumassarsiatsialaassaaq, arfernik takusassarsiortitsivinngitsuni arfianniartarnisssaq aaqqinneqarpat, ilisimatusartoq natur.gl-imi taama allappoq.
Naalakkersuisut qipoqqarnik pisassiissutinut nutaanut qulingiluaasunut atatillugu nutaamik nalunaarusiorput, taamaalillutik qangatut arfanniartartut arfernik takusassarsiortitsisunik ingalassimaarinninnissaannik kommunit namminneq ilursiisinnaanngorlugit, Ane Hansen oqarpoq.
- Ukiuni tulliuttuni arfattassinneqarnissatsinnut atatillugu, uagut arfernik nalinginnarinnginnginnerput takutisallugu pingartorujusuuvoq.
Kommuneqarfik Sermersuumi inuussutissarsiutinik ineriartortitsinermut ataatsimiititaliami siulittaasoq Esmar Bergstrøm KNR-imut oqarpoq sumiiffiit arfanniarfiunngitsut ataatsimiititaliap aasakkut sulinngiffeqareernerup kingornagut aatsaat isummerfigisinnaagai.