Imarpik qulaallugu timmisartuussinissat tallimanngormi taamaatiinnarneqarput
Qaqqap innermik anitsisup arsakui pissutigalugit Air Greenland aqagu aammaarluni imarpik qulaallugu timminissanik taamaatitseqqippoq.
Allattoq Apollo Jeremiassen
Qaqqap innermik anitsineranit arsakut qanoq sivisutigisumik timmisartuussinernut akornutaassanersut maannarpiaq oqaatigineqarsinnaanngikaluartoq Air Greenland timmisartuussinernik nutaanik pilersaaruteqarpoq.
Ullumi Europaliartussaagaluit arfininngorpat aallassapput, aqagulu aallanngitsoortussat sapaatiuppat aallassasut Air Greenland nalunaarpoq.
Ulluni marlunni timmisartuussinnginnissap ilaasussat 900-t missaaniittut eqqorpai.