Imaqarniliaq utaqqiinnarpaat

KNAPK-mi piniartut siunnersoqatigiivini ilaasortaq Kali Mølgaard oqarpoq.

- Piumasarinikuuarpoq immaqa peqataasut tamatta, susoqartariaqartoq. Piaartumik uani isumasioqatigiinnermi eqqartorneqartut,isumaqatigiissutigineqartut inerneranik piniartut peqataasut allallumi, pappialannguamilluunniit qanoq inerneqarneranik ilisimatinneqartariaqartugut.

Kali Mølgaard oqarpoq.

Amalie Jessen aalisarnermut piniarnermullu naalakkersuisoqarfimmi pisortaq oqarpoq, imaqarniliap naammassinnginneranut sulisussaaleqineq pissutaasoq.

- Nalunaarusiaq ajoraluartumik suli naammassinngilaq, kisianni isumasioqatigiinnermiit inassuteqaatit tamaasa allaganngorlugit pigineqarput, sulisussaaleqinerli taavalu sulisut taarserarneri pissutigalugit suli tamarmi naammassineqarnikuunngilaq, tamannalu ajuusaarutigaarput, kisianni suleqataasimasut aamma tamarmi tassani akisussaaqataapput soorlu KNAPK aamma suleqataanikuusoq, taakkulu suleqatigiissitat soorunami katersuutsinneqartariaqaraluarput suliassaq ingerlaqqinniassammat.

Amalie Jessen aalisarnermut piniarnermullu naalakkersuisoqarfimmi pisortaq taama akissuteqarpoq.