Imaq ilimagisamit qaffakkiartorneruvoq
Naalagaaffiit peqatigiit silap pissusaa pillugu oqallittarfianni siulittuutigineqartumit pingasoriaammik qaffasinnerusumik.
Nunat tamat ilisimatuussutsikkut suleqatigiiffinnit siulittuineq nutaaq saqqummiunneqarpoq.
-Naalagaaffiit peqatigiit silap pissusaa pillugu oqallittarfianni kisitsisit saqqummiunneqarsimasut appasippallaartut nalunngittuaannarsimavarput, Aslak Grinsted Københavnip universitetiani geofysikeriusoq oqarpoq.
Immap qaffakkiartornerata kingunerisinnaasaat annertuujupput.
-Ullumikkulluunniit nunarsuup kissakkiartornera unitsissinnaagaluarutsigu, suli immap qaffakkiartornera ingerlagallassaaq 20-30 centimeterip missaani qaffassinnaalluni. Oqaatigisinnaavarput nunarsuup kissakkiarornera tamakkiisumik aallartereersoq imaalitsiaannarlu aaqqinnissaa naatsorsuutigineqarsinnaanani, Aslak Grinsted Københavnip universitetiani geofysikeriusoq oqarpoq.
