Imaatigut kabelimik internetimut attaveqaat marsip naanerani atulissaaq

Imaatigut kabelip atulernissaa qalligaluttuarpoq, tassunga atatillugu TELE-POST neqerooruteqarpoq nutaamik, ADSL Premiumimik taaguutilimmik, taanna internetimik annertuumik atuisartunut naleqqussagaavoq.
Allattoq Lotte Holm
marsip 04-at 2009 07:58

Internetimik atuisartut ADSL Silver aamma Gold kisiisa maannamut atorsinnaagaluarpaat, neqeroorulli nutaaq taaguuteqarpoq ADSL Premium.

Neqeroorut atuisunut sukkanerusumik aallerusullutillu nassitserusuttunut, aalaakkaanerusumillu attaveqarusuttunut tulluarsagaavoq, ilutigalugulu 6 Gigabitemik atuisoqarsinnaassalluni.

ADSL Premiumimik atuiniartunut qaammammut aki aalajangersimasoq 995 koruuniuvoq, Goldimik atuisut 595 koruuneertartut.

Ukiuni aggersuni nunaqarfinni sakkortusaaviiq piginnaanngorsarneqarneri ilutigalugit, nunaqarfiit Kitaata sineriaani sakkortusaavinnut pingaarnernut attaviiq attavik sukkanerusoq aamma atorluarsinnaassavaat.

Imaatigut kabelimik misileraanerit ingerlanneqaleruttorput, taannalu pisortatigoortumik atulissaaq marsip naanerani.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq