Ippassaq Inuusuttut Inatsisartuisa ataatsimiititaliakkaarlutik ataatsimiikkamik inaarutaasumik aalajangersakkap tunniunnissaa qanillivaat.
Inuusuttortagut marluk ataatsimiittunut alakkaajartortippagut:
Inuusuttut Inatsisartuisa Angallannermut Ataatsimiititaliaat umiatsiani isumannaallisaatit angalasinnaanermullu uppernarsaatit pillugit inatsisit qanoq ittariaqaraluarneri oqallisigivaat.
Ataatsimiititaliami Siulittaasup tullia, Naasunnguaq Hansen, ataatsimiinnermi isumaqatigiissutertik oqaluttuaraa:
Inuit aqqusinermi naapitagut apersorpagut angalasinnaanermut uppernarsaateqarnersut, aamma umiatsiaminni isumannaallisaanermut sillimateqarnersut paasiniarlugu
Umiatsiiaatillit amerlanerit angalasinnaanermut uppernarsaateqanngitsut paasivarput, kisiannili apersukkatta isumannaallisaanermut atortutik naammaginartippaat – tamannalu pingaaruteqaqaaq, Kalaallit Nunaanni vicepolitiimesteri, Bjørn Bay, oqarpoq.
- Umiatsiaminnik angalasartut annertunerusumik isumannaallisaatinik nassartalertuuppata, uanilu pingaarnerusumik eqqarsaatigalugit atallaarsuit puttasinnaasut, iputit, ajunaarnermi qummoroortaatit, VHF- radiu, sillimatitut orsussaq assigisaalu ilanngullugit - Inuit tamakkuninnga nassartartuuppata ilimagaara annaassiniarnerit ilaat pinngitsoorsinnaassagaluarigut. Upperaaralu ujarlernerit ajutoorfiusut ullumimiit sukkanerusumik iluatissinnaassagaluarigut.
Bjørn Bay-ip inatsisiliorneq iluaqutaassanersoq oqaatigiuminaatsippaa – imaluunniit ullutsinni umitsiaatillit annerusumik eqqarsalaaqqullugit piumaffigigutsigit pitsaanerussannginnersoq apeqquserpaa.