Imaajaaffissamik ujartuisoq

Tarnip pissusaanik ilisimasalimmik imaajaaffigineqarsinnaasamillu pissarserusulluni meerarsialik oqarpoq. Ajornartorsiuteqartilluni tamanna pisariaqarsoraa.
Allattoq Mads Lynge
novembarip 09-at 2007 16:05

- Meerarsiaqarluni ajornartorsiuteqartilluni tarnip pissusaanik immikkut ilinniarsimasumik imaajaaffigisinnaasamik pissarsisinnaanani assut ilungersunarpoq, taama oqarpoq Margrethe Jensen Nuummeersoq, ukiuni 14-ini meerarsiaqartarsimasoq.

Angajoqqaarsiat Sisimiuni ungasinngitsukkut pikkorissartinneqarmata Margrethe Jensen peqataavoq.

- Ukiut taakku ingerlanerini meeqqat sakkortunerulersimapput, inuuniarnerannut ajornartorsiutit katersuutiinnavillutik pisimallutik, Margrethe Jensen ilaatigut oqarpoq.

Ajornartorsiutitik pillugit aniatitsiffigisinnaasaminnik aallaqqaataaniilli ikiorneqarsimasuguunik inuuneq ilungersunannginnerusumik ingerlasimassagaluartoq oqaatigaa.

Angajoqqaarsiaalluni aniatitsiffissaqarnissap pisariaqarnera unnugu Radioaviisimi sukumiinerusumik sammineqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq