Ilullissani kalaalimineerniarfik aaqqissuussamik atulerpoq mikivallaarporli
Sinerissami kalaaliminernik tuniniaaviit eqqiluisaarnikkut pitsanngorsaavigineqarlutik aaqqissuussivigineqarnerat Ilulissani aamma ippassaq atuutilerpoq.
Piniartut aalisartut taamatullu pisiniat aaqqissuussamut atuutilersumut iluarusukkaluarlutik isumaqarput, illutaa 70-80 m2-sut angissusilik mikivallaartoq.
"Mikivallaarpoq, mikivallaarsorineqarpoq, tattorliuunissaq naatsersuutigineqarsinaavoq annertuunik tuniniaasoqartillugu"
taamak oqarpoq Ilulissani kalaalimineerniarfimmi pisiniaq Regine Biilmann.
Pisiniartitsisuata Søren Rosbach-ip aamma tuniniaaviup angissusia nersualaarpallaanngilaa.
"Kalaalimineerniarfiup illutaa mikilaarami inissakilliornalaarniarunarpoq, ippassaq aamma tamanna takuarput inissakilliulaalereerluta"
Taamak oqarpoq Søren Rosbach nangillunilu “qilalukkat takkuppata inissakilliulernissaq naatsorsuutigilereersinnaavarput, ingammik qilalukkat mattaanik tuniniaa
Ilulissani tuniniaavik 70-80 km2-usoq, Maniitsumilu tuniniaavik 130 km2-usoq, inuttussuseq eqqarsaatigalugu sanilliukkaanni nikingassut ersarippoq.
Maniitsumilu tuniniaavimmi nakkutilliisoq Albrecth Skifte oqarpoq, ajornartorsiut paasilluarsinnaallugu,
tuniniagaqarluartillugu inissakilliorneq namminneq aamma misigisaramikku.
Ilulissani teknikkeqarfimmi ingerlatsinermut pisortaq Brian Petersen oqarpoq, tuniniaavimmi inissamik pisariaqartitsineq ilisimaarilersimagitsik, kisianili suli allilernissaanut pilersaaruteqartoqanngitsoq
