Ilulissani nalunaarut ullumi ukiunik qulinngortorsiorneqassaaq

Issittumi inuussutissarsiornikkut aningaasarsiornikkullu ineriartortitsinermi Ilimanami suliniutit nunat Issittumi Siunnersuisoqatigiinni ilaasortat paasisassarniornissaat aallarniutigineqassaaq.

Namminersorlutik Oqartussat naalakkersuisullu Hotel Arcticimi pisortatigoortumik nerersuaqatigiinnermut unnugu taava qaaqqusisuupput.
Aqagu pingasunngornermi taava ataatsimiittoqassaaq, Issittumi eqqisseqatigiittoqarlunilu suleqatigiittoqarsinnaanissaa ilaasortat nuimasut ataatsimiinneranni eqqartorneqassallutik.

Issittumi ilisimatuussutsikkut suleqatigiinnerit aqagu pingasunngornermi ullaap tungaani qitiutinneqassapput, professori Minik Rosing ilaatigut oqalugiartuussalluni.

Ilulissani nalunaarutip qulinngortorsiorneqarnera taava naggasiutigineqassaaq, assiliseqatigiittoqassallunilu, isumaqatigiissummullu eqqaassutissaq uleerneqassalluni.

Ilulissani ataatsimeersuarnermi peqataasut Ilulissanit pingasunngornermi ualikkut taava aallasssapput.