Ilulissat Kangerluat pillugu unnugu ataatsimiittoqassaaq
Ilulissat Kangerluat 2003-mi allanngutsaaliorneqalerpoq. Unescop nunarsuarmi eriagisassatut allattorsimaffianut 2004-mi ilanngunneqarluni. Maannamut Ilulissat Kangerluaq nunarsuarmi eriagisassaritinneqartuni nunatsinni kisiartaavoq.
Ilulissani innuttaasut unnugu ataatsimiitinneqassapput, tassani Nunami Namminermi Pissutsinut Ingerlatseqatigiiffinnullu Naalakkersuisoq Anthon Frederiksen, Qaasuitsup Kommunia aamma Danskit Kulturikkut kingornussassat pillugit aqutsisoqarfia Kulturarvsstyrelsen, peqatigiillutik Ilulissani Kulturimut Illorsuarmi Sermermiuni ataatsiisitsissallutik.
Ilulissat Kangerluara UNESCO-p nunarsuarmi eriagisassatut allattuiffianut ilanngunneqartup qanoq ingerlanera nassuiaatigineqassaaq, soorluttaaq siunissami qanoq ingerlatsinissaq oqallisigineqassasoq.
Innuttaasunik ataatsimiititsineq Sermermiuni erngiinnaq arfineq-marlunut aallartissaaq.