Ilulissat Kangerluat pillugu unnugu ataatsimiittoqassaaq

UNESCO sunaava, suliniutit maanna suuppat siunissamilu susoqassava? Apeqqutit taakku unnugu akineqassapput, Ilulissat Kangerluat 2003-mili allanngutsaaliugaq pillugu innuttaasut ataatsimiitinneqalerpata.
Allattoq Najaaraq Egede
marsip 18-at 2010 11:44

Ilulissat Kangerluat 2003-mi allanngutsaaliorneqalerpoq. Unescop nunarsuarmi eriagisassatut allattorsimaffianut 2004-mi ilanngunneqarluni. Maannamut Ilulissat Kangerluaq nunarsuarmi eriagisassaritinneqartuni nunatsinni kisiartaavoq.

Ilulissani innuttaasut unnugu ataatsimiitinneqassapput, tassani Nunami Namminermi Pissutsinut Ingerlatseqatigiiffinnullu Naalakkersuisoq Anthon Frederiksen, Qaasuitsup Kommunia aamma Danskit Kulturikkut kingornussassat pillugit aqutsisoqarfia Kulturarvsstyrelsen, peqatigiillutik Ilulissani Kulturimut Illorsuarmi Sermermiuni ataatsiisitsissallutik.

Ilulissat Kangerluara UNESCO-p nunarsuarmi eriagisassatut allattuiffianut ilanngunneqartup qanoq ingerlanera nassuiaatigineqassaaq, soorluttaaq siunissami qanoq ingerlatsinissaq oqallisigineqassasoq.

Innuttaasunik ataatsimiititsineq Sermermiuni erngiinnaq arfineq-marlunut aallartissaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq