Ilulissat kangerluat immikkut sammineqarpoq

Ilulissani Kangia pillugu Allaffiup ullumi saqqummiuppaa Ilulissat Kangerluat pillugu Nunarsuarmioqatigiin-nut kingornutassiap nutaamik pissanganarsaakkatut ittumik filmi naatsuliaq. Filmimi peqataasut amerlane-rit Iluliarmiuupput inuusuttut – ilaatigut breakdancertut, snowboardertut imaluunniit apummik uffartut 33-nik issitsigisumi.
Allattoq Peter Troelsen, Simon Uldum
februaarip 22-at 2013 11:47

Filmip kalaallit meerartaannut inuusuttortaannullu sammitinneqarnerusup takutinniartussaavaa Ilulissat Kangerluat takornariarfissaannaanngitsoq. Tassaavorli aamma atorneqarlunilu pingaartitaasoq inuusuttunit nunarsuarmi pinngortitami naliitsuusumi nunaqarnerminnik tanngassimaarutiginnittunik, taanna UNESCO-p Nunarsuarmioqatigiinnut kingornutassiat allassimaffiannut ilanngussaalluni.

Fiilmi minutsit marluk missaanni sivisutigisoq pissanganarsaakkatut suliaasoq inuussutissarsiutigalugu assi-liisartup David Trood-ip assilisaraa, taannattaaq Visit Greenlandimut niiverniutissatut filmilianik suliaqartar-simavoq Taamaattoq filmili suliaritinneqarsimavoq Ilulissani Kangia pillugu Allaffimmiit nammineq atugassi-atut.

Ilulissat Kangerluat pillugu filmi aningaasaliiffigineqarsimavoq Branding Greenlandimit aamma Qaasuitsup Kommunianit. Filmimi nipilersuut nipilersortarup Mikael Rosingip Nuummeersup erinniaralugulu immius-saraa.

Se filmen her: http://www.kangia.gl/da-DK/Besoeg%20Isfjorden/Forsidehistorier/Video%20release/TEST%20SOCIAL%20MEDIA

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq