Ilulissat kangerlua pillugu illorsualiornissaq ilimanarsivoq
Pilersaarut, ilisimatuunut, takornarianut nunaqavissunullu Ilulissat kangerluaniittumi illorsualiornissaq, piviusunngornissaa ilimanarsivoq.
Tamanna paasinarsivoq, KNR-ip, aningaasaateqarfik, Realdania oqaluutereeraalu.
Taanna aningaasanik pilersaarusiamut atorneqartussanik atukkiussisimanini ullumi KNR-imut uppernarsarpaa - oqaatigisinnaanngilaali aningaasat atukkiussatik qanoq amerlatiginersut.
Aamma atuaruk Eqqissisimatitap illorsuartassaa qalliallanneqartoq
Paasisagulli malillugit aningaasat 75 million koruunit tapiissutigineqarsimapput.
Naalakkersuisup, Vittus Qujaukitsup, Radioaviisimut maannakkorpiaq oqaaseqarusunngilaq, paasissutissiivorli Qaasuitsup kommuniata borgmesteria, Ole Dorphi, peqatigalugu ullup ingerlanerani oqaaseqarumaarlutik.
Ilulissat kangerluani illorsualiornissamut isumassarsiaq, 2006-imili pilersaarutaavoq.
Illorsuup piviusunngornissaa 112 millionit koruuninik akeqartussatut missingersorneqarsimavoq.