Ilulissat ilimanapilunnernut ilaavoq
Nakorsaat Tamiflu nunatsinni nakorsaatinut siammarterivimmi Nuummi pigineqarpoq. Tamanna ajunnginnerpaajuvoq, tassami nalunarmat sinerissap suatungaani tunillatsittoqaratarsinnaanera.
Nakorsaallu pisariaqartinneqalissagaluarpat sukkanerpaaq atorlugu agguaanneqasinnaavoq, Eskild Boeskov oqarpoq nangillunilu
Ulluni makkunani kisitsisit pigineqartut takutippaat puulukit nualluuttaat nualluutinut nalinginnaasunut sanilliullugu toqqutaanera annertunerunngitsoq.
Puulukit nualluutaat sakkukittuugunarpoq, toqussutaaneralu nuallunnernut nalinginnaasunut sanilliullugu annikinnerusutut isikkoqarpoq.
Nalinginnaasumik nualluummik toqquteqartarnerit ukiumut amerlasuujupput, apeqqutaaginnarpoq nualluttoq sanngiitsuunersoq, imaluunniit ukioqqortuneq, saniatigullu allamik nappaateqarneq pissutaanersut.
Nakorsaateqarpoq puulukit nualluutaannik sakkukinnerulersitsinnaasumik, puulukillu nualluutaannut akiuussutissamik sanasoqarpoq.” Eskild Boeskov nassuiaavoq.
Sinerissami pisarneq malillugu nalinginnaasumik nuallunnerit nalunaarsorneqartarput, taassumalu saniatigut toqqusaamiit misissugassanik tigusisalernikkut misissuinerit annertusineqarput.