Ilulissat eqqaani Kangiani paasissutissat katersorneqarput
Ilulissat Kangiata Naalagaaffit Peqatigiit Ilinniartitaanermut, Ilisimatusarnermut Kulturimullu Suleqatigiiffiannit, UNESCO-mit, nunarsuarmi eriagisassatut toqqarneqarnerata kingorna, takornariat nunatta avannaani illoqarfiit annersaannut takkussuukkaluttuinnarput.
Allattoq Elisa Isaksen
novembarip 08-at 2007 07:16
Naja Mikkelsenip, ujarassiuujullunilu ilisimatusartuusup, Kalaallit Nunaata Danmarkillu ujarassiuutut misissuisarfianni, GEUS-imi, atorfillip, Ilulissat Kangia ukiuni kingullerni malinnaavigisimavaa, takornariat nunamut eqqissisitamut sunniutaat nalunaarsorniarlugu.
Ilulissat Kommuniata, Avatangiisinut Pinngortitamullu Pisortaqarfik peqatigalugu, nalunaarsuinerit ataavartumik ingerlattussaavaat.
Ilulissani inissisimasumik paasissutissanik ataavartumik katersuiveqalernissaq aamma anguniarneqarpoq.
Ilulissat Kangiata eriagisassatut Naalagaaffiit Peqatigiit Ilinniartitaanermut, Ilisimatusarnermut Kulturimullu Suleqatigiiffiannit nalilerneqarnissaa pillugu Naja Mikkelsen aamma suleqataanikuuvoq.
