Ilulissani ujaarineqartut pillugit suli nalunaartoqanngilaq

Ilulissani politiit ilisimatitsissutigaat ujaarineqartut takornariat Estlandimeersut angutit marluk pillugit suli nalunaartoqarsimanngitsoq.

Angutit taakku marluk pingasunngornerup ullaap tungaani kingullermik takuneqarput, sermimullu iigartartumukarnissamut ualikkut ilaasimasussaagaluarlutik.

Ilulissat eqqaani qaqqanut angalaarsimanissaat ilimagineqarpoq.

Maqaasineqartut tassaapput 28-nik ukiulik Leonid Tolstov. 180 centimeteritut angitigaaq. Pualananilu tuattuunngilaq, naatsunik qernertunik nujaqarluni. Isaruaqarpoq, anorisiuummillu tungujortumik kavaajaqarluni.

Qernertuugunartunik qarleqarpoq, qaqqasiuutinillu skoqarluni.

Maqaasinertut aappaat tassaavoq 32-nik ukiulik Kaarel Liiväe, 175 centimeterinik angissusilik.

Nerinnattuulluni, kassera meqqoqarani.

Qernertumik kavaajaqarpoq, qarliilu aamma qernertuugunarlutik. Qaqqasiutinik skoqarpoq.

Paasissutissat Ilulissat politiivinut tunniunneqarsinnaapput.

Ilulissani politiit normoraat 94 32 22, imaluunniit 54 38 22.