Ilulissani toqutsisoq tigummigallagassanngortinneqarpoq
Ilulissani eqqartuussivik aalajangerpoq angut 44-nik ukiulik arnamik 34-nik ukiulimmik meeqqamillu ataatsimik ukiulimmik toqutsisimasutut qaammatini pingasuni tigummineqarallassasoq.
Allattoq Louise M. Kleemann
Angut 44-nik ukiulik ippassaq ualikkut eqqartuussivimmi sassartinneqarnera matoqqasumik ingerlanneqarmat, politiit pisortaata Janus Eigaardip angutip tigummigallarneqarnissaanut tunngasunik allanik oqaaseqarsinnaangilaq.
Ippassaq ullaakkut nalunaaqutaq arfineq-marlup qaangilaaraa inuit marluk toqutaasimanerat nalunaarutigineqarpoq.