Ilulissani toqutsinermik misissuineq naammassivoq

Ilulissani angummik 19-inik ukiulimmik toqutsinermut atatillugu Politiit paasiniaaqqissaarnerat naammassineqartoq, vicepolitiinspektørimit Viggo Johansenimit KNR-imut maanna nalunaarutigineqarpoq.
Allattoq Oline I. Olsen
juunip 03-at 2011 06:28

Pisimasoqarfiusimasumi misisissuinerit inernerat politiinit maanna utaqqineqarput.
- Misissuisimanermit inernerit qaqugu nalunaarutigineqassanersut oqaatigisinnaanngilara, vicepolitiinspektør Viggo Johansen allappoq.

Allakkat Viggo Johansenimit nassiunneqartut annerusunik paasissutissanik imaqanngillat, taamaalillunilu toqutsisimasutut pasisamik tigummigallagaqartoqarnersoq ersersinneqanngilaq, soorlu aamma toqutsinermut atatillugu sakkugineqartoq nalunaarutigineqanngitsoq.

Ilulissani eqqartuussivimmi suliamut atatillugu tunngaviusumik inatsit naapertorlugu killisiuisoqarsimanersoq KNR-imit paasineqarsinnaasimanngilaq.

Angutip 19-inik ukiullip aallaaneqarnermi kingorna ikimi aanaarnera toqqutsigigaa, toqungasunik misissuisartup misissuinerani nalunaarutigineqareerpoq.
Politiit paasiniaaqqissaanerannut atatillugu Danmarkimi politiit qullersaqarfianni teknikkerit suleqatigineqarput.

- Danmarkimi misissueqqissaarnerit inerneri tigoriarutsigit suliamut inerniliinissarput naatsorsuutigaarput, Viggo Johansen allappoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq