Ilulissani timmisartup ajutoorneranit videoliaq takuuk
Johannes Mathæussen, umiatsiaararsorluni aalisartup qanittukkullu issittumi annaassiniarnermik pikkorissaqqammersup, timmisartup Ilulissat mittarfiani ajutoornera videoliarisimavaa.
Timmisartup mittarfimmi saqittoornerani mittarfimmiissimavoq, ikiortariaqartoqarsoralugulu ornigussimalluni. Johannes Mathæussen issittumi annaassiniarnermik pikkorissarnermini ikiortariaqartoqarnersoq paasiniarlugu ajutoorfimmut ornigutipallannissani ilinniarsimavaa.
Ikiortariaqartunik siumuinnginnami videoliarisimavaa, taannalu allaserisap qulaani isiginnaarneqarsinnaavoq.
Assitaata talerpiata tungaani ilaasortut timmisartoq qimaleraat takuneqarsinnaavoq.