Ilulissani tillinniat suli tigusarineqanngillat
Allattoq Carla Davidsen
Ilulissani Hotel Hvide Falkimi ippassaq ullaakkut tillinniat suli nassaarineqanngillat.
Arnaq unnuarsiorluni sulisoq tillinniat nipittartumik silittumik nipittartulersoriarlugu, sulisoq alla saassullugu unatarpaat, taamalu pisoqareermat 40 50 tusind koruunit karsimiit tillillugit qimaapput.
- Suli tigusarisaqanngilagut, pasisaqarpugulli, Ilulissani politeeqarfimmi pigaartoq, Abia Ottosen, oqarpoq.
- Ilulissani 2000-it missaannik illoqarpoq, pasisavullu taakku arlaanni toqqoqqajunnarsipput, arlaatigulli takkutinngitsoornavianngillat, Abia Ottosen Radioaviisimut oqarpoq.