Ilulissani sapiitsuliorluni annaassisoqartoq
Ilulissat napparsimmavianni portøri Søren Henningsen sapiitsuliorsimavoq februaarip ulluisa 26-anni unnuakkut namminneq inuunini eqqarsaatigeqqaarnagu uninngasoq anilluni imaanut isissimasoq annaakkamiuk.
Aanaartoorsimalluni uninngasoq anisimavoq napparsimaviullu avataanut immamut 10 - 15 meterit nakkarsimalluni.
Naak, sissap sinaa qaanngoqaraluartoq sermiinaallunilu quasaraluaqisoq portørip Søren Henningsen-ip angut isissimasoq nammineerluni nunamiit qaqissinnaasimagaa nakorsaaneq Eskild Bueskov KNR Avannaanut oqaluttuarpoq.
Sissap sinaa ima ulorianarsimatigaaq allaat portøri nammineerluni imaanut nakkariaannaalluni, taamaammat kisimiilluni qaqitsisinnaasimanera sapiitsuliorneruvoq – Ilulissani nakorsaaneq KNR Avannaanut oqaluttuarpoq.
Qatserisartut sukkaqisumik aggerlutik Søren Henningsen ikiorlugu uninngasoq napparsimavimmut oqquteqqissinnaasimavaat.
Uninngasulli annaanneqaraluartup aanaartoorsimanini kingorna toqqutigisimavaa.