Ilulissani pujornera suli ajornartorsiortitsivoq
Ullumikkut Ilulissaniit Ilussanulluunniit timmisartussaguit kinguaattoornissat naatsorsuutigissavat.
Ilulissani ussissumik pujornera timmisartunut ajornartorsiortitsivoq, Air Greenland paasissutissiivoq.
Allattoq Malik Brøns
aggustip 09-at 2019 12:32
Pujoq ussissoq pissutigalugu Ilulissani Qaarsunilu missinnaaneq tingisinnaanerlu suli Air Greenlandip timmisartuisa ajornartorsiorfigaat.
Air Greenlandimi attaveqaqatigiinnermut sulisup Emil Stachip taama oqaatigaa.
Ilulissani Qaarsunilu ilaasut 120-it ippassaq eqqugaasimasut Air Greenlandip nalunaarutigaa. Taakkulu massakkut apuunniarsarivaat. Pujorli suli ajornartorsiortitsivoq.
AAMMA ATUARUK Ilaasussat 120-it sisamanngornermi eqqugaapput
Ataasinngormat marlunngormallu pujoq ussissoq peqqutaalluni ilaasunut 500-nut kinguaattoortitsimavoq, pujorlu suli qaangiutivissimanngilaq.
Air Greenlandip timmisartuinut ilaasussanut eqqugaasunut ilaaguit, Air Greenlandip ilaasunut kiffartuussivianut telefon 70 12 12-mut attaveqarsinnaavutit.
