Ilulissani ikuallattoqaqqippoq
Ilulissani illoqarfiup ilaani Atersuarni annertuumik ikuallattoqarnerani ullualuit qanngiutiinnartut annertuumik ikuallattoqaqqippoq.
Innaallagissiorfitoqaq qatserisarfiup akinnguaniittoq marlunngornermi ullaap tungaa ikuallalerpoq. Ilulissani Nukissiorfiit innaallagissiorfiat pingaarneq illoqarfiup isuani Minnerup aqqutaaniippoq.
- Kisianni innaallagissiorfitoqqami ikuallanneq ernumanartoqarpoq. Tassanngaanniimmi illoqarfiup sinneranut innaallagiaq siammarterneqaqqittarpoq, Ilulissani nukissiorfiit pisortaat Henrik Estrup KNR-mut oqarpoq.
Ikuallattoq maanna qatserneqarpoq maannamullu suli nalunarallarpoq aseruatitertut qanoq annertutiginersut.