Ilulissani GU-qalernissaa soqutigaat

Ilulissani ilinniarnertuunngorniarfimmik pilersitsisoqarnissaa atuartunit angajullernit aamma angajoqqaanit soqutigineqartoq, ilinniarnertuunngorfimmik pilersitsisoqarnissaanut suliniaqatigiit misissuinerminni paasivaat.
Allattoq Oline I. Olsen
februaarip 15-at 2012 15:03

- Atuartut angajulliit, Danmarkimilu efterskolertut aamma angajoqqaat soqutiginnittut 50-it sinneqartut atsioreerput, Lena Ravn Davidsen suliniaqataasoq oqarpoq.

Ilinniarnertuunngorniarfimmilli pilersitserusunneq politikkikkut tapersersorneqarnersoq, ilinniarnertuunngorniarfiillu aaqqissuuteqqinneqarnissaannut naapertuunnersoq,
Ilulissani ilinniarnertuunngorniarfimmik pilersitsinissamik suliniuteqartut innuttaasunut unnugu ataatsimiititsilerunik sammissavaat.

Perorsaanermik Ilinniarfimmi innuttaasunik unnugu nalunaaqutaq arfineq marlunut ataatsimiititsisoqassaaq. Ilinniartitaanermut Naalakkersuisoq Palle Christiansen, Qaasuitsup Kommunianilu qinikkat aggersarneqarput.

- Misissuinerit suliakkiunneqartut suliarereerpavut, politikkikkulli tapersersorneqarnersugut paasissallugu tullinnguuppoq, Lena Ravn Davidsen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq