Ilulissani erngup nukinganik nukissiorfiliulerput

Naalakkersuisut ullumi akuersaarpaat Ilulissat eqqaanni Paakitsumi erngup nukinganik nukissiorfiliortoqassasoq, aningaasaqarnermullu ataatsimiitsitaliamut innersuussutigaat kikkut sanassaneraat.

Ilulissani Erngup nukinganik nukissiorfissaq siullerpaajulluni pingasunik turbinelerneqareerluni sananeqassaaq. Taamatut sananissaat akikinnerussammat, pisariaqartinneqalerpallu turbinet pingajuat atuutilersinneqassammat. Nuummi immikkut pingajua ikkunneqarmat akisunerujussuusimagami.

2013-imi ukiakkumiit inissiat ungasianiit kiassaateqarfimmit kiassarneqartut erngup nukinganeersumik kiassarneqalissapput. Taamaasilluni CO2 aniatinneqartoq annikillisarniarneqarpoq. Ilulissat eqqaanni Paakitsumi erngup nukinganik nukissiorfik naammassippat nunatsinni inuiaqatigiit pisariaqartitaasa 70 procentia nukimmik piujuartumik mingutsitsinngitsumillu pilersorneqalissaaq.

Aningaasaqarnermut ataatsimiitsitaliap pisoq januaarip 27-anni ataatsimiissutigissavaa.