Ilulissani eqqaanilu pinngortitamut eqqaaneq ingasappallaarunnaartoq

Ilulissat takornariaqarfissuuvoq, nunanillu assigiingitsorpassuarninngaaneersunit tikinneqartarluni. Taamaattumik illoqarfik silarsuup sinneranut, nunarput sinnerlugu avammut kiinnertartutut oqaatigineqarsinnaalluni.

Silaannaap kissakkiartornerata kingunerisinnaasai Ilulissani takuneqarsinnaapput.

Ilulissani Asilerisup Naja Habermannip suliffimminut atatillugu nunami allamiorpassuit naapittarpai.

Naapittagaasalu oqaatigisartagai assigiiaarajuttarput.

Ajoraluartumik massakkut eqqakkat taannarineqartaqaat, kisiannili ukiuni kingullerni eqqakkat ingasakkunnaarnikuupput, tamannalu pillugu imminnut nersualaartariaqarpugut.

Qimmit atugaat eqqaaneqarajuttarpoq, naak toqqaannartumik pinngortitamut paarsinermut qimmit attuumassuteqarpallaanngikkaluartut, kisianni Kalaallit nunaata avataaniit isigineqarneranut taakku oqaloqataalluinnarput.

Kisianni piffissami kingullermi maluginiarsimavara kalaallit qimuttunik qimmilerisarnerannik kusaginninngittarnerat annikilliartorpoq, nunanilu allani uumasuuteqartarnermut assersuuneqarsinnaanngitsoq paasineqaleriartortoq. Taamaallaalli qilalernissaat aarleqqutiginerusarpaat Tamakku eqqartoreeraangamikkit tullinnguullugit apeqqutigisarpaat, imeqarniarneq, uagut nammineq mingutsitsinitsinnut takussaanngitsunut, soorlu anartarfiit erngullu aqqutaasigut pinngortitamut kuutsiinnartakkatsinnut, taavalu pinngortitamik atueriaasitsinnut, piujuaannartitsinissaq anguniarlugu qanoriliuuseqarnersugut paasissallugu soqutigilluinnartarpaat.

Nunatsinni pinngortitamut avatitsinnit

soqutiginninneq paasinninnerlu, uagut siumut alloriarfittut atorluartariaqaripput isumaqarpunga.

Naja Habermann oqarpoq.