Ilulissani apriilimi suliffissaaleqisut amerlanerpaapput
Ilulissani suliffissaaleqisut siornamut naleqqiullugit 198-nik amerlanerupput, 2011-mi ukiup taamaalinerani 194-it suliffissaaleqipput, qaammammili kingullermi suliffissaaleqisut 392-llutik.
Tasiilami suliffissaaleqisut apriilimi siornamut ukiup taamaalineranut naleqqiullugit 73-nik amerlanerupput, 213-it suliffissaaleqisuullutik.
Sisimiuni suliffissaaleqisut siornamut naleqqiullugit 104-nik ikileriarput, taamaattoq suliffissaaleqisut 213-upput.
Aamma Nanortalimmi suliffissaaleqisut siornamut naleqqiullugit 10-nik ikileriarput. Illoqarfilli 136-nik suliffissaaleqisoqarpoq.
Kalaallit Nunaanni Naatsorsueqqissaartarfiup kisitsisaatai naapertorlugit illoqarfinni apriilimi suliffissaaleqisut 3.274-upput siorna taamaalinernani 2.843-ullutik – 431-nik amerliarlutik.
