Ilulissani annaassiniarneq: Inuit marluk qulimiguulimmit annaanneqartut
Inuit marluk ilulissat kangerluanit annaanneqartut, Kalaallit Nunaanni Politiit paasissutissiipput.
Allattoq Johannes Baunsgaard
Nutserisoq Connie Fontain
Ilulissat kangerluani annaassiniarneq maanna naammassivoq.
Kalaallit Nunaanni Politiit KNR-imut paasissutissiipput.
Umiatsiaaraq marlunnik ilaasoqartoq ajornartooqqasoq pillugu oqartussat ullumi marlunngornermi nalunaaqutaq 11.45 kalerrinneqarput.
Pigaartut pisortaata, Aqqaluk Petersenip oqarnera naapertorlugu umiatsiaaraq nammineq ingerlaqqissinnaasimanngilaq. Taamaammat Issittumi Sakkutooqarfik suleqatigalugu inuit marluk ajornartooqqasut ikiorniarlugit qulimiguulik aallartinneqarpoq.
Inuit marluk Ilulissanukaanneqarput ajoqusertoqarsimananilu, Kalaallit Nunaanni Politiit oqarput.