Ilulissani aallaasersorneq
Arfininngormat unnukkut Ilulissani politiit nalunaarfigineqarput illoqarfimmi aallaasersortoqartoq. Inersimasut marluk, arnaq angullu illumiit silammut seqqoqattaarsimapput.
juulip 20-at 2009 10:38
Politiit nalunaaqquttap akunneri arlariinni aallaasersorneq unitsinniarsimavaat, pissanganartorsiorfiunngitsumillu inersimasut marluk tigusarineqarput. Pineqartut aappaa nassuerpoq. Maanna suliaq eqqartuussivikkoortinneqassanersoq suli aalajangiiffigineqanngilaq, kisiannili aallaasersorsimasut inuit inuunerannik navianartorsiortitsimasutut pasineqarput. Pisup nalaanni imigassartortoqarsimassangatinneqarpoq, pasineqartullu aaversinneratigut imigassartorsimanersut misissorneqarput.
