Iluliaq 25 meterinik silissuseqarpoq 20 meterisut portutigaluni, taannalu Afrikap kujasissuani kangerliumanermi umiarsualiveqarfiup St. Francis Bay-ip avataani takuneqarsinnaasoq, Afrikami Naalagaaffiup Imaani Annaassiniarnissamut Pisortaqarfik ilisimatitsivoq.
- Pisoq qaqutigoortorujussuuvoq, ilulissanik Afrikap kujasissuata imartaani ukiuni kingullerni amerlaqisuni takusaqartoqarnikuunngilaq, Pisortaqarfimmi oqaaseqartartoq, Craig Lambinon, Afrikami Kujallermi nutaarsiassaqartitsivimmut Sapa-mut, oqarpoq.
Iluliarsuaq kangerliumarngup St. Francis Bayip kujammut kangiatungaata avataani aalisariummit takuneqarsimavoq, nalunaarutigineqarlunilu.
Imarsiornermut radiokkut kiffartuussiviit mianersoqqussutinik umiarsuarnut tamaaniittun ut nassitsereersut, Craig Lambinon oqarpoq.