Iluliarujussuup sarfamik allanngortitsisinissaa aarleqqutigineqarpoq

Iluliarujussuup Sikuiuitsoq Kujallermit kaanngarluni Australiap kujataani sarfaatitittup, immap sarfaanut silallu kiassusianut sunniuteqarnissaa, ilisimatuunit aarleqqutigineqalerpoq.
Allattoq Louise M. Kleemann
februaarip 26-at 2010 10:01

Iluliarujussuaq taanna 2.550 kvatratkilometerimik angissusilik Danamikimi Fynip angissusianut assersuunneqarsinnaasoq, nutaarsiassaqartitsivimmi Ritzauimi allaaserineqarpoq.

Sikuiuitsoq Kujallermi immap naqqata nillertup kiatsikkiartuaalernissaa ilisimatuunit ernummatigineqarpoq, taamatummi pisoqarpat nunarsuup sinneranut sunniuteqanngitsuussanngimmat, ilaatigut atlantikup avannaani ukiukkut issinnerulerneranik kinguneqarsinnaasumik.

- Iluliarujussuup sunniutai ingerlaannaq takuneqarsinnaassanngillat, kisianni sarfaq sunnerneqarpat, tamanna isarukitsunut uumasunullu allanut nujuartanut sunngiuteqanngitsoornavianngilaq, Neal Young Tasmaniami ilisimatusarfiutigaluni misissuivimmeersoq BBC-mut taama oqarpoq.

Iluliarujussuaq 1987-imi Sikuiuitsoq Kujallermit kaanngarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq