Iluliarujussuaq nassitsissummmik ikkussivigineqarpoq

Iluliarujussuup Petermann Glecherimit aggustimi kaanngartup ingerlaarnera ima sukkatigivoq, allaat canadamiut sikunik nakkutilliisuisa, ajutoortoqannginnissaa pinaveersarlugu, ingerlaanera satellittikkut nakkutigilersimalugu.

Canadami sikunik nakkutilliisut Sullualuup issittullu imartaanik nakkutiginnittuusut, iluliarujussuaq maanna aamma nakkutigivaat. Ukiuni 50-ni kingullerni ilulissamik taama angitigisumik takusoqarsimanani aatsaat takusoqaqqippoq.

Septembari aallartilaartoq iluliarujussuaq marlunngorluni avippoq.

Aappaa angineq 160 kvadratkilometerisut annertussuseqartoq, aappa taamaallaat 85 kvadratkilometerisut annertutigaaq, sulili umiarsuarnik navialatitsisinnaalluni.

Iluliaq minneq sukkanerulluni kujammut ingerlaarpoq, ullormut 40 kilometerit angullugit tissukarluni, aviisi Globe and Mail taama allappoq, tassalu maanna Aasuitsup Qeqertaa kujammut nallerlugu.

Umiarsuit iluliarujussuarmut apornissaat pinngitsoortinniarlugu sikunit nakkutilliisut iluliaq qaammataasamut nassitsissumik ikkussiffigaat.