Iluliarujussuaq marlunngorluni avippoq
Satellikkut assilisat takutippaat iluliarujussuaq Nares Strædemi ikkarlimmut Joe Ø-mut arlaleriarluni ikkarlereernermi kingorna malunngorluni avissimasoq.
- Satellittikkut assilisani ikkarluk takuneqarsinnaanngigajappoq, taannami iluliarujussuarmit mikinerungaatsiarpoq. Kisianni ikkarluk takuneqarsinnaavoq, USA-mi University of Delawaremi ilisimatooq Andreas Muenchow CNN-imut oqarpoq, nangillunilu:
- Immap sarfarnerata anorillu iluliarujussuaq ikkarlummut aportaartissimavaat, tamannalu marlunngornerluni avinneranut patsisaavoq.
Iluliarujussuup marlunngorluni avittup aappaa 110 kvadratkilometerisutut angitigaaq, mikinerlu 51 kvadratkilometeritut annertussuseqarluni.
Iluliarujussuit maanna marlunngortut Nares Strædekkut Newfoundlandip tungaanut tipipput, ukiulli marluk missaat aatsaat qaangiuppata nunamut qanillinissaat naatsorsuutigineqarpoq. Taamanikkussamullu aakkiartornerminnit mikinerulersimanissaat naatsorsuutigineqarpoq.
