Iluliarsuarni eqqumiitsuliat

Pilersaarusiortut ilaat, Ole Jørgen Hammeken eqqumiitsuliat ima nassuiarpaai.

Ole Jørgen Hammekenip oqarpoq, taanna eqqumiitsuliortoq pukitsormioq Ap Verheggen peqatigalugu suliaq Cool emotions siorna aallartippaat. Tassani Climate changes equals cultural change oqariartuutigaat, tassa kalaallisut nutserlugu piorsarsimassuseq silap allanngoriartornera ilutsigalugu allanngoriartortoq eqqumiitsuliani takutikkusuppaat. Eqqumiitsuliallu isikkui Ole Jørgen Hammekenip ima oqaluttuarai.

Ap Verheggenip eqqumiitsulianik ilusilersuisuuvoq. Helikopteri atorlugu kiisalu ikiortit katillugit 14-it peqatigalugit eqqumiitsuliat sikup qaavanut ilineqassapput.

Eqqumiitsuliat silap kissakkiartornera ilutsigalugu allanngoriartornissaat ilimagineqarpoq, taakkualu ingerlaarnerat allanngoriartornerallu qaammataasakkut nassitsissutitigut GPS-ikkut malinnaavigineqassapput.

Nutaarsiassaqartitsivik, Reuters, nunarsuaq tamakkerlugu pinngortitamik illersuiniaqatigiiffik WWF aamma National Geographic eqqumiitsuliat sikumut inissinneqarnerannut atatillugu Uummannami peqataasut, Ole Jørgen Hammeken aamma oqaluttuarpoq.

Piujuaannartitsinissaq nunarsuarmiunit eqqarsaatigineqarnerulerumaartoq eqqumiitsuliamik suliaqartut neriupput.