Iluliarmiut Narsarmiullu ammaanermi unammissapput

Maanna qularnarunnaarpoq arnat illup iluani arsaallutik unammersuarnissaanni N-85 1 Narsameersoq aamma I-69 2 Ilulissaneersoq unammissasut. Tamanna erserpoq illup iluani arsaannermi arnat GM-qarnissaannut puljenut makitsisoqareersoq, tamannalu pivoq Timersoqatigiit Kattuffiata illuani Nuummi. (Puljenut agguataarineq naqqani takuuk)

Arnat pissartanngorniunnissaanni iligiit 17-it peqataassapput unamminerit Nuummi martsip 19-iat 20-iallu ingerlanneqalerpata B-67 aaqqissuisoralugu. Avannarlersaassapput UB-83 Upernavimmeersoq N-85 Narsamiit kujallersaassasoq. Tunu sinnerlugu ATA Tasiilameersoq peqataassaaq.

NÛK 1 siorna pissartanngorpoq straffeqattaartoqareersoq NÛK 2 finalemi ajugaaffigalugu.

Puljet imatut agguataarneqarput:

Pulje 1:

N-85 1, Narsaq

I-69 2, Ilulissat

B-67 1, Nuuk

Aqissiaq 2, Maniitsoq

Pulje 2:

Nagdlúnguak 2, Ilulissat

NÛK 2, Nuuk

UB-83, Upernavik

T-41, Aasiaat

Pulje 3:

Nagtoralik, Paamiut

ATA, Tasiilaq

U-68, Uummannaq

I-69 1, Ilulissat

NÛK 1, Nuuk

Pulje 4:

Nagdlúnguak 1, Ilulissat

Aqissiaq 1, Maniitsoq

N-85 2, Narsaq

B-67 2, Nuuk