Iluarsartuussineq sukkasooq

Niuertarfimmik iluarsartuussineq siorna novembarip qaammataani aallatinneqartoq ukiormanna novembarip qaammataata naanerani naammassisussatut pilersaarutaagaluarpoq.

-  Kisianni suliffeqarfiit sulisuilu pikkorissut, minnerunngitsumillu Pisiffimi sulisut sullarissut ikioqatigiilluarnerisigut niuertarfik qaammatinik pingasunik sioqqutsisumik ammarsinnaanngorsimavoq, taamatut angusaqarneq nunatsinni nalinginnaasuunngilaq, Pisiffimmi niuernermut aqutsisoq Jesper Vinther tulluusimaaqaluni unnersiorpoq.

Niuertarfiup iluarsartuunneqarneranut atatillugu illu eqqissisimatitaq, Uffarfitoqaq, meeterialunnik nuunneqartussaasimavoq, innuttaasulli kissaataat naapertorlugu sanaartorneq illu taanna avaqqullugu pisimalluni.

Niuertarfik nutaaq ippassaq aggustip 31-ani ammaanersiorneqarpoq.