Iluarsaaqqinnissamut pilersaarutip kinguartinneqarnera ilassilluarpaa

Kommune Kujallermi borgmesterip kommunimi iluarsaaqqinnissamut pilersaarut ilassilluarpaa. Taassumali aamma mianersoqqussutigaa ukiut pingasut iluarsaaqqinnissamut immikkut piffissaliussaq sinnassaataaginnassanngitsoq.

Kommunerujussuit sisamat pilersaarut malillugu ukioq 2013 nallertinnagu Namminersorlutik Oqartussaniit suliassaqarfinnik tamarmiusunik tigusisussaagaluarput. Tamannali angumerineqarsinnaanngilaq, Nunap iluanut pissutsinut Naalakkersuisoq Anthon Frederiksen taama isumaqarpoq, taamaattumillu ukiumik allamik piffissaliilluni, tassalu 2016-imut.

Ukiut taakkua pingasut immikkut piffissaliussat Kommune Kujallermi borgmesterip Simon Simonsenip tikilluaqqugamigit nassuerutigaa.

- Annerusumik ilisimasaqarunanngilagut, kisiannili kommunini allanngortiterineq pinngikkallarmalli aallaqqaataaninngaanniit kommuni tamarmiulluni, kommualdirektørilu, isumaqatigiissutigigaluarpaat kattussuunnissaq kinguartinneqassasoq januaarip aallaqqaataani 2010 pisussanngorlugu, taamaalilluta ukioq suli ataaseq kommunini piareersarfiginiassagatsigu, kisiannili itigartitaalluta.

Ukioq ataaseq sumut atorneqassanersoq aammalu suut anguneqarsimannginnersut aperineqarami Simon Simonsen oqarpoq:

- Kattussuutereeratta aatsaat paasivarput sorpassuit angumerisinnaanagit, minnerunngitsumillu attaveqaatit atorsinnaasimanngillat, sulilu suliassaqarfiit ilaanni taamaallutik, isumaqarpungalu allanngortiterineq aallaqqaataaniit iluatsissappat, attaveqaatinut atortut tamarmik aallaaqqataaniilli misissorneqarsimallutillu misilittarneqarsimassagaluartut, tamakkuussagunarpullu maanna kinguaattoornerujussuarmut pissutaasut.

Piffissaliussatut pilersaarummi nutaami 2016-imut killilerneqarpusi, taava attaveqarnermut atortut 2016-imut anngussinnaassappat?

- Tamanna neriuutigissavara, oqaatigisinnaavarali ukiup aappaa avillugu ataatsimooreerlutalu attaveqarnermut atortuvut atorsinnaalersimasut inissikannersimasullu, minnerunngitsumillu ikkussuinerit maanna aallartinneqarput naak ilaat taamaanngikkaluarlutik, Simon Simonsen oqarpoq. Ukiut taakkua immikkoortut pingasut tikilluaqqugaluarlugit taakkua kommunimut sinnassaataannginnissaat mianersoqqussutigaa:

Kommuninut nalunaarusiaq ullumi Inatsisartuni oqaluuserineqarpoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat