Iluanaarniutigalugu puisinniarneq inerteqqutigeqqugaa
Taassuma naggueqatigiit Inuit puisinniarsinnaatitaanerat akornuserusunngilaa, tikkuarluguli iluanaarniutigalugu puisinniartarneq siunissaqanngimmat, puisinniartumullu annerusumik isertitsissutaasarani, peqatigisaanillu Canadap nunanit allanit isigineqarneranut akornutaalluni.
Canadami iluanaarniutigalugu puisinniartut siorna 35 millionit koruuninik isertitaqarput, taakkulu puisinnianit 6.000-iusunit agguaanneqarmata, puisinniaq ataaseq 6.000 koruuninik isertitaqarpoq. Taakkua aningaasarpassuunngillat, ingammik tamatumunnga atatillugu eqqarsaatigigaanni, Canadamiut puisinniarnerat annerusumik pissutigalugu nunat EU-mut ilaasortat ilaat puisinit tunisassianik eqqusseqqusiunnaarniarmata, Mac Harb oqarpoq.
Taanna isumaqarpoq, kikkunnut tamanut iluaqutaanerussasoq, Canadami inatsisartut innuttaasut allanik inuussutissarsiutitaarnissaannut atugassiissutaat 5 milliardit koruuniusut puisinnianut atorneqarpata.
- Puisinniat allanik inuussutissarsiutitaarnissaannut aningaasat atorniartigik, iluanaarniutigalugu puisinniarnerup unitsinnissaanut piffissanngorpoq, Canadamiu inatsisartunut ilaasortaq oqarpoq.
