Illutaarniarneq illoqarfinni anginerni akikinneruvoq

Nuup qinnguani inissialiornerit ukiut sisamat kingulliit ingerlaneranni taarsigassarsiffinnit 300 mio. koruuninit ikinnerunngitsunik aningaasalersorneqarput.

Inissialiornerit taarsigassarsisarfinnit aningaasalerneqartartut Qaqortumi, Nuummi, Sisimiuni Ilulissanilu taamaallaat pisarput.

Assersuutigalugu Nuummi inissiaq nammineq pigisaq 10-40-50 tunngavigalugu aningaasalersugaq 2 mio. koruuneqarpat, taassuma affaa taarsigassarsisarfinnit aningaasaliiffigineqarsinnaavoq.

Inigisap sananeqarnermini akiata 40 procentia Namminersornerullutik Oqartussanit Kommunimillu atukkiunneqartarpoq, tassa Nuummi namminerisamik initaarniartoq inimut pigiligassaminut 200.000 koruunit missaannik ileqqaagassaqartarpoq.

Illua’tungaanilu Maniitsumi illuliorneq Nuummisulli 40 procentimik pisortanit tapiissuteqarfigineqarsinnaavoq, kisiannili aningaasalersugassat sinneri 60 procentit illuliortup aningaaserivinnit attartornikkut isumagisariaqarpai.

Tamaalilluni illoqarfinni anginerni initaarniartoq 200.000 koruuninik ileqqaarilluni initaarsinnaavoq illoqarfinnilu minnerni najugalik 1,3 mio. koruunit missaanik akiliilluni aatsaat initaarsinnaalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat