Illut atorniarnikkut pitsanngorsarneqarsinnaapput

Angerlarsimaffiit nammineq pigisat pinngortitamut ajoqutaanngitsumik kiassarneqarsinnaanissaat anguniarlugu, aningaasat katillugit 50 millionit koruunit angerlarsimaffiutilinnut atukkiussassatut Grønlandsbankip immikkoortippai.
februaarip 23-at 2011 15:01

Grønlandsbanki Nordisk Investeringsbankimit 25 millionit koruuninik attartornermigut katillugit aningaasanik 50 millionit koruuninik atukkiussisinnaanngorpoq.

Inuup kinaagalualluunniit angerlarsimaffini nammineq pigiguniuk, angerlarsimaffinilu pinngortitamut ajoqutaanngitsunik pilersorusukkuniuk, soorlu seqerngup qinngorneranit nukissiuutilersussaguniuk, imaluunniit anorisaatit atorlugit nukissiuutilissaguniuk, aningaaserivimmut 200.000 koruunit tikillugit attartorsinnaavoq.

Nunatsinni nukissiuutinik atuinermi 40 procenti inissianik kiassarnerminngaaneerpoq.

Sooruna angerlarsimaffiit pitsaanerusumik kiassarnissaannut atukkiisinnaanissaq aningaaserivimmit pingaartinneqartoq?

- Kalaallit Nunaanni silaannaap allanngoriartornera nunarsuarmioqatitsinnit malinnaavigineqarnerpaat ilagigunarpaat. Sermersuaq aakkiartupiloorpoq, taamaammat Grønlandsbankimiit pisussaannartut isigaarput illut ajunnginnerusumik pinngortitamullu ajoqutaanngitsunik atortulersornissaat, Grønlandsbankimi sullissisunut pisortaq Peter Petersen oqarpoq.

Aningaasanik attartortitsisarneq siornali periarfissaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq