Illuatungiliuttut: Naalakkersuisut suliassatik artorpat

- Suliassarpassuit unittooqqapput. Inuiaqatigiit ingerlariaqqinnissaannut pingaarutilissuit tukattumik ingerlannerisigut Naalakkersuisut siulittasuat qinersinissamik nalunaaruteqartariaqalersimavoq.

Assersuutigalugu meeqqanik sullissisut pinerlussimannginnermik allagartaqartalernissaat ukiuni arlalinni naammassineqarsimanngitsoq qanittukkut saqqummiunneqarpoq. Aamma aalisarnermik inatsisip annertuumik nutarterneqarnissaa, suli naammassineqanngitsoq, unittoorfiuvoq.

Kiisalu peqqinnissaqarfik annrtoorujussuarmik ajornartorsiorfiuvoq, nikeriarfiunani. Taamaattumik ingerlatsiniaernikkut naliginnaasumik ajornartorsiortoqarpoq marrittoqrsimallunilu, Inuit Ataqatigiit siulittaasuat Kuupik Kleist, oqarpoq.

Demokratit siulittaasuata Jens B. Frederiksen-ip qinersinissaq aamma ilassilluarpaa, isumaqarluni tamanna naalakkrsuisut tunniutiinnarnerannut ersiutaasoq:

- Ukiut kingulliit saqqummernikut, soorlu meeqqat atugarliortarneri aamma meeqqat kaattut arlaanilluunniit iliuuseqarfigineqanngillat. Taassuma saniatigut Peqqinnissaqarfik maannakkorpiaq ajorluinnartumik ingerlavoq. Taamaammat Naalakkersuisut siulittasuata Hans Enoksenip qinersinissamik suaarutweqarnera tunniutiinnartutut isigaara. Tassuuna HAns Enoksenip takutippaa ilimaginagu, aappaagumut aningaasanut inatsisissaq amerlanerussuteqartut akuerissagaat, Jens B. Frederiksen oqarpoq.

Kattusseqatigiit Partiiata siulittasua, Anthon Frederiksen isumaqarpoq, Naalakkersuisut erloqinertik peqqutigalugu qinersinissamik nalunaaruteqartariaqarsimasut.

- Inatsisartut upernaaq manna ataatsimiinnissatsinnut partiit tamanna piffissarujussuaq atorlugu periareersarsimavugut. Taamaammat qinersinissamik nalunaaruteqarneq tupaallannalaarpoq, Anthon Frederiksen oqarpoq.