Illuatungiliuttut akerliussutsimik takutitsipput
Ullumikkut ulloq tassaavoq ilinniarnertuunngornianut ukiumoortumik ullorititaq, akerliussutsimillu takutitsisoqalermat oqartussaasut taakku ingalassimaartinniarsarilermatigik eqqissiviilliornerit aallartipput.
Shahip isumannaallisaanermut sakkutuuisa ilinniarnertuunngorniat pingasut 1953-imi toquppaat, tassalu toqutaasut taakku ukiut tamaasa eqqaaniarneqartarput.
Ullumikkut qanoq pisoqarpiarsimanersoq suli ilisimaneqanngilaq. Tusagassiorfiit nunanit allaneersut angerlarsimaffimminniit palasinit naalakkersuisunit ulluni arlalinni aneqqusaasimanngillat, Teheranimullu internettikkut attaveqaatit ilinniarnertuut ullumikkut ulloqarnissaasa tungaanut matoqqatinneqarsimapput.
Teheranimi Ilisimatusarfiup silataani akerliussutsimik takutitsisut tusindtilippassuit politiit sakkutuullu aporaaffigisimagaat takunnissimasut oqaluttuaraat.
Politiit anaattatik atortariaqarsimavaat, gassimillu qulliliornartumik aamma atuisariqarsimallutik. Akerliussutsimik takutitsisut suaartarsimapput: "Kisermaassilluni naalakkersuisoq toquli"
Præsidentimut qinersisoqarmalli aatsaat taama sakkortutigisumik akerliussutsimik kingumut takutitsisoqarpoq, taamanikkummi præsident Ahmedinejad peqquserlussimanerarneqarpoq, DR tamanna ilisimatitsissutigineqarpoq.
