Illua’tungiliuttut pakatsipput

Naalakkersuisut aningaasanut inatsisissatut siunnersuutaat illua tungiliuttunit ajorluinnartutut isigineqarpoq. Aningasanut inatsisissamik amigartoorfiussaqisumik Naalakkersuisut ukiut aappassaat siunnersuuteqarput. Inuit Ataqatigiit siulittaasuata, Kuupik Kleistip, aarleqqutigaa, Nunatta karsiata aningaasartuutai aqunneqarsinnaajunnaassasut. Isumaqatigiinniarnissanulli qaaqqusaannginnertik aamma maluginiarpaa.

- Nalinginnaasumik siunertaasariaqaraluarpoq, inatsisartut tamakkerlutik aningaasanik inatsisissamik sunniuteqaqataallutillu akuerseqataanissaat siunertaralugu Naalakkersuisut sulissasut, Kuupik Kleist oqarpoq.

Aningaasanut inatsisissatut siunersuummut tunngatillugu maluginiarpaa, amigartoorutissatut missingiunneqartut massakkut milliardit affaat pallisimalersimammatigik.

- Ukiut siuliini siunniunneqartunit annertunerujussuupput pasitsannarporlu nunatta karsia aqunneqarsinnaajunnaapajaarluni ingerlalersimasoq, Inuit Ataqatigiit siulittaasuat oqarpoq.

Demokraatit Inuit Ataqatigiittulli tupigusuutigaat, aningaasanut inatsisissaq pillugu isumaqatigiinniarnissanut atatillugu Inatsisartuni partiit tamarmik peqatiserineqanngimmata.

- Aningaasat amigartoorutaasussat ineriartortitsinermuinnaq atorneqartussaanngillat, aamma ulluinnarni ingerlatsinermut atorneqartussaapput, Jens B. Frederiksen tikkuaavoq.

Taanna oqarpoq, Alcoa-mut tunngatillugu aningaasat atorneqartussat uteqqinnissaat qulakkeerneqanngitsoq.

- Aatsitsivik pilersinneqassanngippat piginneqataassanngikkuttalluunniit, taava aningaasartuutit qanoq ililluta utertissavagut, aperaaq?

Demokraatit siulittaasuata annilaanngatigaa, Nunatta Karsiata amigartoorutigiumaagai innuttaasunut tutsinneqassasut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat