Illorsuartaassaq nappaanersiorneqarpoq

Illorsuaq nutaaq, Royal Arctic Logistip oktobarimi nutserfigisassaa,  ima agguataarneqarpoq: 3.000 kvadratmeri allaffeqarfiussaaq, sinnera quersuartut peqqumaasivittullu atorneqassalluni, taakku ininut quleriinnut sisamanut agguataarneqarsimapput.

Aalborgimi Umiarsualiviup Kalaallit Nunatsinnut nioqqutissanik assartuinermut atorneqarneranut isumaqatigiissummut illorsuassaq sivitsuineruvoq. Aalborgip Umiarsualiviani pisortaq, Claus Holstein, oqarpoq, sanaartorneq 100 millionit koruunit missaannik akeqartoq, illorsuarlu pioreersoq aningaasat aamma taama amerlatigisut nalingannut allineqarsimasoq.

Aalborgip Umiarsualivia containerinik Göteborgimut Rotterdamimullu siorna assartuisalerpoq, containerersorneq taamaalilluni annertuseqaluni.

Nuummi sanaartortoqarnera, ukiuuneranilu silap neruminnerujussua pissutigalugu, Royal Arctic Line aamma ulapittorujussuuvoq.

Royal Arctic Logisticip Aalborgip Umiarsualiviani illuutigisimasai kia pigilissanerai suli ilisimaneqanngilaq.