Illoqqortoormiut Qaanaarlu puigugaasutut misigisimapput
Nunatsinni illoqarfinni inatsisartunut qinigassanngortitaqartuni Illoqqortoormiut Qeqertarsuarlu tamamik taakkua ataatsimik inatsisartumut qinigassanngortitaqarput.
Illoqqortoormiunit qinigassanngortittoq Erling Madsen Atassut sinnerlugu inatsisartunut qinigassanngortippoq.
- Illqqortormiormiormiut inatsisartuni aamma ataatsimiititaliani ilaasortanit tikeraarneqarsimanngitsutut misigisimapput, Erling Madsen oqarpoq.
Illoqqortoormiut inatsisartuni ilaasortaatitaqannginnera pissutaalluni, Illoqqortoormiormiut oqariartuutigisaasa tusarliunneqarnissaa apuunneqarnissaalu ajornakuusoortuusoq, Erling Madsen oqarpoq.
Qaanaami atugassarititaasut maannakkut inatsisartuni ilaasortanit malinnaaffigineqanngitsut, Qaanaarmiunit maluginiarneqarpoq.
Mads Ole Kristiansen Siumut sinnerlugu inatsisartunut qinigassanngortippoq. Qaanaarmiut pingasut inatsisartunut qinigassanngortipput. Qaanaarmiut qinersivinni kingullerni marlunnni inatsisartuni ilaasortaatitaqarsimanngillat.
Qaanaarmioq inatsisartuni ilaasortaq kingulleq tassaavoq Naimanngitsoq Petersen taanna Atassut sinnerlugu inatsisartunut ilaasortavoq 1995-miit 1999 ilanngullugu. Taassuma saniatigut Naimanngitsoq Petersen, Siverth K. Heilmann-imut sinniisutut 2001-imit 2002-mut inatsisartuni ilaasortaavoq.
Qilalugartassat amerlineqarnissaannik Qaanami piniartut siunnersuutigisimasaat, politikerinit tusaaniarneqarsimanngitsoq Mads Ole Kristiansen-ip eqqaavaa.
Qaanaa-mi innutaasut tusaaniarneqarsimanngillat qilalugartassat amerlassusiinik aalajangiinermi, Mads Ole Kristiansen isumaqarpoq.
Mads Ole Kristiansen inatsisartunut qinigaaguni nunarput tamakkerlugu sullissiniarluni neriorsuivoq, tamannalu avaqqunneqarsinnaanngitsoq oqaatigalugu.
Taamaakkaluartoq Qaanaamut tunngasunik inatsisartuni suliaqartoqartillugu partii ilaasortaaffigisami Siumup politikkia malittuaannarniarnagu oqarpoq taannami isumaqarpoq isorliunerusut atugaat soqutiginneqanngitsut.
- Avaqqunneqarsinnaanngilaq piffimmit aggerfisannit pissutsit pillugu aalajanngiisoqassatillugu aalajangeeqataasarnissaq pisariaqartassaaq, Mads Ole Kristiansen oqarpoq, - assigiissarisoqarniaannarluni assigiissaarisoqassanngilaq, nunap pissusia aamma nunap pissaritai aallaavigalugit aaqqissuussineq tunngavigalugit ingerlanneqartariaqarput, Mads Ole Kristiansen oqarpoq.
Mads Ole Kristiansen Qaanaaq Siumut sinnerlugu inatsisartunut qinigassanngortippoq.
Illoqqortoormiuni Erling Madsen Atassut sinnerlugut inatsisartunut qinigassanngortittoq qinigaaguni Illoqqoortoormiuni pissutsit pillugit inatsisartuni ilaasortanut oqaluttuarisarniarpai. Illoqqortoormiuni atukkat sutigut tamatigut ukiuni kingullerni sisamani kingoriarsimapput. Illoqarfik inuussutissarsiutinik ingerlatanik amigaateqarpoq.
Ukiunilu kingullerni amerlasuuni suliniutigineqarsimagaluarluni. Timmisartunut mittarfimmik Iloqqortoormiut illoqarfianut qanitumiittussamik sanasoqarnissaq suliniutigisimavarput, takornariat amerlanerusut tikittalernissaat anguniarlugu, Erling Madsen oqarpoq. Illoqqortoormiut inatsisartuni ilaasortaatitaqannginnera pissutaalluni inatsisartunut ilaasortanut oqartiartuuteqarniarneq ajornakusoorsimavoq.
- Sapinngisannguara tamaat piffik aggerfigisara taassuma qanoq innera oqaluttuarisarumaarpara, qularinngilaralu taama pisoqarnerisigut ajunnginnerusumik siunissaq Illoqqortoormiuni nalilerneqartalerumaarmat, Erling Mads oqarpoq,.
Atassut sinnerlugu inatsisartunut qinigassanngortittoq Erling Madsen Illoqqortoormiuneersoq taama oqarpoq.
Inatsisartunut qinigassanngortittut qinigassanngortinnerminnik nalunaarfissaat ulloq kingulleq tassaavoq 19 febuar. Naak nunatsinni innuttaasut 29 procentii Nuummi najugaqartut.
