Illoqqortoormiut Nuuk pilerigivaat

Imminnut ungasikkaluaqalutik nalunaaquttallu akunnerik marlunnik nikingassuteqaraluarlutik kattutiinnarnialeqaat.

Tassa Illoqqortoormiut Kommuneat Nuup Kommunealu.

Illoqqortoormiuni Borgmesterip, Erling Madsenip, Nuummi Borgmesteri, Agnethe Davidsen, marlunngormat oqaloqatigereerlugu, kattussuunnissaq anguniarlugu allagaqarfiginialerpaa.

Illoqqortoormiuni innuttaasut amerlanerussuteqartut Nuup kommunea toqqarpaat, Borgmester Erling Madsen, Atassummeersoq oqarpoq.

-Marloriarluni qinersisuusaartitsinermi, 40-nit peqataaffigineqartumi, 75 procentiisa Nuup Kommuneata kattuteqatiginissaa qinerpaat, Erling Madsen, Atassummeersoq oqarpoq.

Illoqqortoormiuni innuttaasut akornanni, kommuneqarfiit kattunnissaanut qinersisuusaarnermi, Nuup kommuneata saniatigut Sisimiut kujataanilu kommuneqarfiit toqqarneqarsinnaasutut ilanngunneqarsimagaluarput, soqutigineqaratilli.

Nuummi Borgmesterip Agnethe Davidsenip Illoqqortoormiut kattuteqatiginissaa soqutiginartippaa.

-Illoqqortoormiut kommuneaniippoq nunarujussuaq eqqissisimatitaq, taassuma atorluarneqarnissaanut periarfissat eqqarsaatigalugit soqutiginaateqarpiq, Agnethe Davidsen oqarpoq.

Kommunit kattuteqatissaminnik qinaasinissaat ukioq naatinnagumut killeqarpoq.