Illoqarfiup qeqqa nuunniarneqarpoq
Maanna aalajangiunneqarsimavoq – Samet nunaanni illoqarfiup Kiruna-p qeqqa avannamut-kimmut kilometerinik marlunnik nuunneqassasoq. Sami Radiumi ullumikkut taama allaaserinnittoqarpoq.
Tamatumunnga patsisaavoq ukiorpassuarni piiaasoqarneratigut illoqarfiup qeqqa ima qajannarsisimatigimmat, allaat nakkaattoorsinnaalluni, ukiuni qaninnerni qanoq iliuuseqartoqanngippat.
Taamatut nuussinissamut pisariaqartinneqartoq tassaavoq, qimuttuitsut aqqutissaannik qaqqakkut sullorsualiornissaq.
Taamatut sullorsualiornissamut Sverigep naalagaaffia imaluunniit suliffeqarfik piiaanermik ingerlatsisoq akileerusuppallaanngillat.
Kiruna-p borgmesteria, Kenneth Stålnacke Sami Radiumut oqarpoq maanna naalakkersuisut sullorsualiassap 2 milliardit koruunit missaannik akeqartussap akilernissaanik akuersitinniarneqassasut.
Nuussinermut atatillugu innutaasut 23.000-it nuutsinniarneqarput.
