Illoqarfinnit nutaarsiassat KNR-TV-mi
TV-qarfiit namminersorlutillu aallakaatitassiortartut aallakaatitassiatik KNR-TV-mi takutissinnaanngorpaat.
![](/sites/default/files/styles/image_934x467/public/article_images/nunatsinnit_webtop2_1.jpg?itok=WNiL7IE1)
Allattoq Noah Mølgaard
Aallakaatitassiaq nutaaq ateqarpoq "Nunatsinnit", siullermillu ataasinngornermi unnukkut takuteqqaarneqarmat Sisimiuniit takusassaqartitsisoqarpoq.
"Nunatsinnit" nalunaaqutaq 19.30 aallakaatinneqartarpoq ataasinngornermiit sisamanngornermut unnugulu Qeqertarsuarmiit Arfivik TV aallakaatitsisuussaaq.
- TV-qarfiit allallu namminersorlutik aallakaatitassiortartut aallakaatitassiaminnik KNR-TV-mi takutitsisinnaanngorput, KNRip siuarsaaviani pisortaq Niels Pavia Lynge nalunaarpoq.