Illoqarfimmiinnermi kingorna umiarsualivimmut nakkartoq
Aappariit Nuummi illoqarfimmiissimallutik sapaatiummat ullaaralaakkut umiarsuarmut ikaarniarnerat pissanganartorsiorfiulerpoq.
![](/sites/default/files/styles/image_934x467/public/article_images/nuuk_havn_knr_2.jpg?itok=GsBwExEr)
Allattoq Simon Uldum -
Arnap umiarsuarmut ikaarniarnermini ikaartarfik uniorpaa talittarfiullu umiarsuullu ikeratigut imaanut nakkarluni, erngertumillu qaqinniarnissaa periarfissaasimanngilaq. Sermersuumi Politiit taama ilisimatitsipput.
AAMMA ATUARUK Nuummi kajaavanik amernik tillinniat marluk tigusaasut
- Politiit qatserisartullu aggersarneqartut sukkasuumik ornigullutik arnaq imaanit nilleqisumit qaqissimanngikkaluarpassuk pisoq ajorluinnartumik kinguneqarsimassagaluarpoq, politiit tusagassiorfinnut nalunaaruteqarlutik taama allapput.
Arnaq nakorsiartinneqareernermi kingorna angerlartinneqarsinnaasimavoq.